üse letscht morge in san diego hei mir mit äm nä strandspaziergan mit anschliessendem z'morge am mission beach gstartet. aschliessend si mir USS Midway, äs flugzügträger vor us navy go aluege. unvorstöubar uf wi ängemen ruhm die ca. 4'500 manne hei müsse läbe und immer no läbe uf angerne flugzügträger. d'kaiüttene wo nume knapp so breit si wi dr ma säuber, d'gäng wo mä nid cha näb nang loufe und dilinä wo sogar für chlini lüt z'döif si. mir wei euch gar nid mit dä ganze einzuheite wo mir hüt erfahre hei längwillige, aber eifach so viel, a platzangst darf mä uf so mä navy schiff nid liide.
on the road again...
üsi ziit san diego isch düre und mir mache üse richtig cran canyon via joshua tree NP. ä härzige, steinige, sandige nationalpark mit kommische böim. a stamm wi nä paume und ä "chopf" wi nä kaktus, ganz speziell. nach dr durchfahrt dür die böimli starte mir üsi tour über d'route 66. läng, grad, houprig mit wunderschöner ussicht, eifach herrlech. uf üsere länge fahrt dür das schöne nüt, hei mir ussert usgstorbene dörfli praktisch nüt und nimmer atroffe. zum glück hei mir de doch no in needels äs herrlechs hotelzimmer gfunge und setze üsi fahrt de morn witer.
Keine Kommentare:
Kommentar veröffentlichen