nach üsem wohltuende z'morge im "muffin love" hei mir üs de ufe wäg i arches nationalpark gmacht. gmütlech agfange mit chline spaziergängli mit schöner ussichicht uf die arches (steinbögen) und die unheimlech schöne witine vo däm nationalpark.
dr schluss isch de chli asträngender worde. für ä usblick zum delicate arch hei mir ä gmütleche spaziergang vo ca. 2.4km müsse mache. eh das isch jo nid wit, genau das hei mir ou dänkt. aber potzheilanddonner, äs isch de gar nid so gmütlech gsi, dr trail (weg) isch eifach quer über das bärgli ufe gange, herrlech!! aber hee mir chöme usem land vo dä berge, mir si ab wie jungi reh und hei birä lichte brise die super ussicht gnosse. mir si aber nid ganz sicher obs aui wo mir bim abego gchrüzt hei bis ufe gschafft hei, so mit birkestöck, flip flops oder scho fasch ü70' i weis jo nid :-)
nach dere wanderig hei mir de äs düscheli gnosse und dr obe bire fläsche wii us utah lo usklinge.






























Keine Kommentare:
Kommentar veröffentlichen