Montag, 5. Mai 2014

Horseshoe Bend, Antelope Canyon & Monumente Valley 05.05.2014

puhhh hüt isch ä länge tsg gsi, 05.45 uhr het in flagstaff dr wecker glütet und ca. 3/4 stung spöter si mir back on the road gsi. üse erscht haut isch de bim horseshoe bend gsi. dänkt wär gsi: häre fahre, föteli mache und witer, aber so isch äs nid gsi. es het de no ä chline fussmarsch düre sand brucht bis mir die herlechi ussicht hei gah. zrugg si mir de dank üsem druck uf dr blase sehr schnäu gsi :-)

witer isch äs gange zum antylope canyon, WOW isch do gloub s'richtige und s'einzige wort wo zutrifft. das lichterspiu vor sunne, die farbe und forme vo dä sandsteine, eifach WOW. wär hie ir nöchi isch und dört nid häre geit, macht ä fehler. aber achtung, tour isch gführt und muss reserviert werde.

so und iz isch ändlech fahrerwächsu gsi :-) souverän und schneuer aus s'navi gseit het si mit im monument valley acho. mir hei üs vorgno, mit üsem eigete outo ä tour dürs valley z'mache. churz nach äm start hei mir üs das aber wieder angers überleit. die stross, we mä das so cha nenne (bachbett triffts eher), het üs nid so zue gseit (ä platte oder so wei mir jo nid), so hei mir üs entschlosse, die normali stross näb äm valley richtig moab (arches nationalpark) z'nä. ou dä wäg het wunderschöni bilder uf die monements gä.

dank ärä ziitreis si mir mit +1 stung ziitverschiebig am 22.00 uhr in moab, utah, acho und gö iz go pfüsele.

guet nacht




























Keine Kommentare:

Kommentar veröffentlichen