am morge si mir zum griffith observatorium gfahre und hei die wunderschöni morgestimmog über LA gnosse. dr usblick über die riese stadt isch sehr idrücklech gsi.
nachdäm schön ruhige afang isch äs de rasant witergange, mir si is six flag. die viele achterbahne hei üs de de bi 95grad F ( 35grad C) scho chli ufe mage gschlage und mir hei de nid ganz jedi teschtet. äs isch aber ä adrenalinrichte usflug gsi und mir hei ganz lut dörfe schreie.
wieder chli ruhiger aber nid weniger heiss isch de üse abstächer zum rodeo drive in beverly hills gsi. zwüsche chanel, gucci und breguet hei mir üs de wi doheime gfühlt :-) im nä näbeströssli hei mir de äs kaffi gfunge, wo ou üses budget zuglo het und mir hei bim nä feini z'nacht die glamurösi stimmig gnosse. ou wenn mir leider keh promi hei gseh, isch dr rodeo drive sicher ä bsuech wärt gsi.
nach üsere "shopping tour" hei mir de no chli erholig brucht und si für ä sunneungergang a herrlech strand vo santa monica gfahre. die beruhigendi stimmig am strand isch de gad s richtige gsi für üses adrenalin wieder z'noramalisiere.
nach äm idunklech hei mir no ä spaziergan übere pier gmacht bevor mir de vollig kapput i üsem hotel si acho.



















Keine Kommentare:
Kommentar veröffentlichen