Donnerstag, 24. April 2014

Yosemite Nationalpark 23./24.04.2013

am morge frühe si mir in red bluff gstartet. üse weg het üs über d'interstate 5 bis nach sacramento gführt. ab dört si mir de überland gfahre und über was für land. i üserer fasch 7 stündige outofahrt hei mir fäuder so gross wi inkbu gseh (oder grösser), städtli wi us äm wildeweschte, berge so wunderschön wis berner oberland.

i dene idrückleche witine wo mir hüt hei dörfe gseh, hei üs die vom waudbrand zeichnete berge vor äm yosemite nationalpark am meischte beidruckt. die flächine wo si zerstört worde, das isch unfassbar. und glich het die natur ä schönheit wo üs immer wider gfesslet het.

direkt bi üsere akunft si mirs über gfahre vo dä bäre ufklärt worde und das mir über d'nacht üses ässe, üsi cremeli und säubeli müsse inne bearbox due. die näti dame het üs de ou no gad gseit, dass dr half dome (ä riese berg) no gsperrt isch. 1/2 vo üs si trurig gsi, dr anger 1/2 het innerlech gjublet (wer was dörft dir näch säuber dänke). nach dene infos hei mir de üses unbeheizte zäut bezoge und hei üs när ufe wäg zum glacier point gmacht. vo däm tolle ussichtspunkt het mä ä super usblick übere ganz park und mir heis gnosse nach dere länge outofahrt chli dörfe ar früsche luft si und die tolli ussicht z'gniesse.

bir retourfahrt (jo mi het auso s'outo chöne nä für zu däm ussichtspunkt) hei mir de zerscht ä grey fox gseh und de isch doch tätsächlech no äs usgwachsnige (er isch ömu gross si) bär über stross ghuscht.

nach däm erläbnisriche tag hei mir üs üs de guet ipackt i ca. 7 dechine i üsem zäut zur nachtruhe begä.

am tag druf (donsti morge) hei mir üs de beziite uf nä wanderig zu dä nevada falls begä. äs isch auso ufe, ufe und ufe gange. nid ganz aui vo üs hei glich freud gah, aber mir heis zäme mit üsne treue gfährte (dä eichhörndli) gschaft bis ganz ufe. mir hei die schöni ussicht und s'herleche wätter gnnosse und üs derbi d'nase verbrönt. dr abstieg isch aus de no besser gsi aus dr ufstieg. mir hei gfunge, jä mir gö doch nid dr glich wäg abe wie ufe, mir nä ä angere. jawohl, super idee, wen dir föteli gseht, muss i gloub nüm meh schriebe. aber mir heis gschaft, si iz völlig kaputt i üsem super schöne hotel in chowchilla acho und gniesse iz dr räscht vom obe.














wanderig zu de nevada falls
















Keine Kommentare:

Kommentar veröffentlichen