in LA acho hei mir de üses nid ganz so tolle hotel bezoge und hei üse erscht usflug ungerno. leider het d'melrose avenue nid ganz das bote wo mir üs vorgstöut hei. üses 2te ziel a däm tag het de ou nid wöue klappe, d'afahrt zum griffith observatorium, wo mä ä super usblick über LA söu ha, isch leider gsperrt gsi. dir gseht, üse start in los angeles isch nid so glückt.
hüt hei mir aber de ä super tag i de universal studios gah. üs si d'ilusione vo dä special effects gno worde, mir si düre ä wiud weste und d'wisteria lane (desperate housewives) gfahre. am wiise hai hei mir is muu gluegt, si in water world gsi und hei äs erdbebe miterläbt. und natürlech no viu, viu meh und das aus in 3 - 4 D.
nach däm 8 stündige bsuech i dr wäut vo dä stars hei mir de ou no gad dr berühmt walk of fame bsuecht. näme wi jack norris, tom hanks, jennifer aniston, michael jackson, und viu meh hei mir gläse, und hei de bim chinese theatre gseh, dass dr will smith rächt grossi füess het.
da mir aber no chli aktion bruche, wärde mir morn uf santa clarita is six flags go, mou luege of mir die 8-erbahne möge verliede...


























Keine Kommentare:
Kommentar veröffentlichen